قصص واقعيه لكن طريفه

زائر

@ فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي
-الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه واما الفتاة من شدة خجلـها من الموقف ذهبت لأهلهـا !!!!!
@ خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة
- والخاطب يبصبص من شباك المجلس - وجاءت البنت وحملت كرتون البيبسي وقامت تركض وتدوربالكرتون
و( تفحط ) كأنها تقود سيارة !!!!!! ولم تعلم البنت إلا في ليلة الزواج حين اخبرها الزوج فما كان منها إلا أن بكت من شدة الخجل ،،،،
@ واحد تزوج على زوجته
( ومن الحرة اللي فيها )...
جت في ليلة عرسة خذت ثيابه اللي بيلبسها ومسحت عليها قشر برشوم " والبرشوم فاكهه لها أشواك رهيبة وماتنشاف..
@ فيه وحده تقول في اول ايام زواجي طلب مني زوجي ان افتح له علبة بيبسي .... قمت وفتحت العلبة قدام وجهه و.. يا للهول طاااااااش البيبسي على وجه وملابسه
والجدار .. وانا مع خوفي جتني حاله هستيرية من الضحك وأنا أشوف هالموقف.
@ فيه وحده تخجل مرة مرة .. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الخجل الزايد ...ومرة من المرات هي وزوجها بالسطح يوم جاء الزوج بينزل مع الدرج إلا وهي تسرع وتدفه
( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار ..
@ وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!
@ وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي
من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!
@ موقف حصل لاحد صديقاتي محرج مره وهاكم الموقف صديقتي هذي انخطبت وطبعا جاء العريس وابوه لاهل البنت عشان يتفقون على لوازم الفرح والذي منه انتم عارفين طبع المهم اللي حصل ان صديقتي واخواتها يبغون يشوفون العريس وكان في غرفه مجاوره لغرفة المجلس يفصل بينهم باب سحاب صديقتي هذه واخواتها متجمعين عند الباب ومطفين النور وكل وحدة تدفع الثانيه تبغى تشوف وفي هذه المعمعه والدافع والمدفوع
لشوفة العريس ولكثرة الضغط والدفع مادرت صديقتي الا وهي مدفوعه من الباب .. طبعا موقف لا تحسد عليه...
¤¤¤¤
قصة زواج بنت مضحكةوواقعية
وغريبة في نفس الوقت قريت هالقصه.. وبصراحة ضحكت عليها وأعجبتني وحبيت أنقلها لكم باختصار موجز:
هذي البنت سلمكم الله عندها خوات أكبر منها وأصغر منها وهي توهامتخرجة من _الثانوي المهم بالبيت ما عندهم خدامه كل يوم الدور على وحدة من البنات تطبخ وبعدين ترمي الزبالة عند الباب المهم جا دور هالبنت اللي أتكلم عنها كانت سهرانه مع أخواتها الين الساعة ثنتين الصبح وبعدها خواتها طلعوا ينامون فوق.. وهي قعدت تنظف المطبخ وتشطب عليه.. وقامت وطلعت الزبالة عند الباب..المهم البنت قالت ليش أحطها عند الباب خليني أتشجع وأرميها بالزبالة أحسن..** وطلعت بره بالشارع وكان الشارع فاضي مرة وكانت الساعة حوالي 30_ 3المهـــم
يوم جت تطلع ترمي الزبالة قفل باب بيتهم . وقعدت المسكينة بالشارع...فكرت ترن الجرس خافت أبوها يوبخها. ويسوي لها شي
( لأن أبوها محافظ) ...
وهي بالشارع ما عليها إلا ثياب البيت !!..
سمعت إن فيه صوت يقرب منها .. صوت سيارة !! قامت مسكت الزبالة وقلبتها ودخلت بداخلها المهـــم كان اللي جاي ولد الجيران .. كان توه جاي من استراحة..المهــم جا ولد الجيران وقف السيارة وطلع المفتاح علشان بيدخل للبيت إلا يسمع صوت يتحرك بالزبالة !!
واستغرب إن الزبالة مقلوبة قام وقرب من عندها... وجا بيرفع الزبالة ويا زينها !؟
إلا صرخت وقالت : لالالالا.قال : بسم الله الرحمن الرحيم..أنتي إنس ولا جن
قالت: إنس قال إنتي وش جابك هنا ؟؟
وقالت له القصة وهي متغطية بالزبالة وترجت ولد الجيران يساعدها قال خلاص لا تخافين قام قرب سيارته من باب البيت وركب فوق السيارة ونقز وفتح للبنت الباب.. وقالها:ادخلي بسرعة لاأحد يشوفك قامت المسكينة ما صدقت رمت الزبالة.. وطلعت كذا قدام ولد جيرانهم المهـــم
دخلت وقفلت الباب على طووول...وولد الجيران واقف ما تحرك يناظر فيها... المهم. مامر على هالسالفة يومين إلا جا وخطبها من أبوها وتزوجها . والله قصة زواج غريبة وعلى فكرة
ترى هذي القصة. حقيقية وحصلت بالفعل...والله أعلم..
_____________
~~ إنتهت ~~
سبحان الله وبحمده...
سبحان الله العظيم...

flower

Admin المساهمات : 28 تاريخ التسجيل : 31/08/2008

قصص حلووووه مرررره بس غريبه شوي بس اشناء الله زوجتي ماتسوي

معي كذا بس مدت الرجل حلووه والدفه احلى حشى مو متزوجين انسان وش

ذا المزح من اول يوم اابي اطلق ماني فاضي كل يوم في غرفة الانعاش

مشكوره بنت الحلا استمري في تقدمك الى الامام انشاء الله

المساهمات : 102 تاريخ التسجيل : 09/09/2008

خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة
- والخاطب يبصبص من شباك المجلس - وجاءت البنت وحملت كرتون البيبسي وقامت تركض وتدوربالكرتون
و( تفحط ) كأنها تقود سيارة !!!!!! ولم تعلم البنت إلا في ليلة الزواج حين اخبرها الزوج فما كان منها إلا أن بكت من شدة الخجل ،،،،

هذه أكثر قصه أعجبتني
بنت الحلا يعطيكِ العافيه وسلمت اناملك
تحياتي لك

زائر

Admin كتب:: قصص حلووووه مرررره بس غريبه شوي بس اشناء الله زوجتي ماتسوي

معي كذا بس مدت الرجل حلووه والدفه احلى حشى مو متزوجين انسان وش

ذا المزح من اول يوم اابي اطلق ماني فاضي كل يوم في غرفة الانعاش

مشكوره بنت الحلا استمري في تقدمك الى الامام انشاء الله

انشاءالله اشكرك على المرور الرائع

زائر

بنت الشاطىء كتب:: خطب احد الأشخاص أخت صديقــه وأراد من صديقه أن يمكنه من رؤيتها - دون أن تشعر الفتاة - وقام الأخ وضبط الموقف حيث اشترى بعض الأغراض وأدخل السيارة في الفناء الداخلي للمنزل ونادى أخــته لحمل الأغراض من السيارة
- والخاطب يبصبص من شباك المجلس - وجاءت البنت وحملت كرتون البيبسي وقامت تركض وتدوربالكرتون
و( تفحط ) كأنها تقود سيارة !!!!!! ولم تعلم البنت إلا في ليلة الزواج حين اخبرها الزوج فما كان منها إلا أن بكت من شدة الخجل ،،،،

هذه أكثر قصه أعجبتني
بنت الحلا يعطيكِ العافيه وسلمت اناملك
تحياتي لك

الله يعافيج يسلمج ربي مشكوره على المروري